ပိုတ်ႇတၢင်ႇပၼ် ဝီႇၶီႇပပ်ႉတႆး Shan Wikibooks ယဝ်ႉ

မိူဝ်ႈၼႆႉ ပီ 2023 ၸၼ်ႇဝႃႇရီႇ 4 ဝၼ်း - လုၵ်ႉတီႈ Wikimedia Foundation သေ လႆပိုတ်ႇတၢင်ႇပၼ် ဝီႇၶီႇပပ်ႉတႆး ႁဝ်းၶႃႈယဝ်ႉ။ ဝီႇၶီႇပပ်ႉဢၼ်ဝႃႈၼႆႉ မၼ်းပဵၼ် တီႈဢဝ် ပၵ်းလၵ်းသုတ်ႇ ပပ်ႉၵၢၼ်ႁဵၼ်း ဢၼ်လွတ်ႈလႅဝ်းထၢင်ႇႁၢင်ႈၼၼ်ႉ တၢင်ႇဝႆႉပၼ်ယဝ်ႉ။ ဝီႇၶီႇပပ်ႉၼႆႉ ပေႃးတွၼ်ႈတႃႇ မုင်ႉဝီႇၶီႇတႆးႁဝ်းၶႃႈ မၼ်းပဵၼ်မႃႈ ဝီႇꧠီႇထူၼ်ႈသီႇသေ ပေႃးတွၼ်ႈတႃႇ မိူင်းမျၢၼ်ႇမႃႇၼႆႉ မၼ်းပဵၼ်မႃး ဝီႇၶီႇပပ်ႉ ဢွၼ်တၢင်းသုတ်းပိူၼ်ႈယဝ်ႉ။ ယၢမ်းလဵဝ် တီႈ ဝီႇၶီႇပပ်ႉတႆးႁဝ်းၶႃႈၼႆႉ တေမီးဝႆႉယူႇ ပပ်ႉ 600 ပၢႆသေ ၼႂ်းပပ်ႉၼၼ်ႉ တေၶဝ်ႈပႃး ပပ်ႉတူမ်ႈႁုင်၊ ပပ်ႉၽဵင်းၵႂၢမ်း၊ ပပ်ႉၵၢၼ်ႁဵၼ်း လိၵ်ႈလၢႆး၊ ပပ်ႉထမ်းတြႃး တႄႇၵႂႃႇၼၼ်ႉယဝ်ႉ။

ၼင်ႇႁိုဝ် ပပ်ႉလိၵ်ႈတႆးႁဝ်းၶႃႈ ပေႃးတေၼမ်လိူဝ်မႃးၼၼ်ႉ ၽူႈလႂ်ၽႂ်သေဢမ်ႇဝႃႈ ၶဝ်ႈႁူမ်ႈတင်း မုင်ႉဝီႇၶီႇတႆးႁဝ်းၶႃႈသေၵေႃႈ ၸွႆႈထႅမ်ႁဵတ်းသၢင်ႈလႆႈယူႇၶႃႈ။ တွၼ်ႈတႃႇ လိၵ်ႈတႆးႁဝ်း ပေႃးတေ ၶိုၼ်ႈယႂ်ႇလိူဝ်ၼႆႉၵႂႃႇၼၼ်ႉ ႁဝ်းႁႃးၵူႈၵေႃႉ ၵိုင်ႇသႂ်ႇႁႅင်း ၶတ်းၸႂ်ၵႂႃႇၸွမ်းၵၼ်ယူႇ။ ၸဝ်ႈၵဝ်ႇ ႁူႉပၢႆးလႂ် လႅၼ်ႇပၢႆးလႂ်ၼႆၵေႃႈ ဢဝ်တၢင်းႁူႉတၢင်းမေႃ ၸဝ်ႈၵဝ်ႇၼၼ်ႉ ႁဵတ်းပဵၼ် ပပ်ႉဝႆႉ ၵႃႈတီႈ ဝီႇၶီႇပပ်ႉတႆးႁဝ်းၶႃႈသေၵေႃႈ သိုပ်ႇဢဝ် ယိုၼ်ႈပၼ် ၼေႃႇတႅၼ်းၶိူဝ်းႁဝ်းၵႂႃႇသေၵမ်းၼႆ လုၵ်ႉတီႈ ၸုမ်း SIIT ႁဝ်းၶႃႈ တုၵ်းယွၼ်းပၼ်တၢင်းၶႆႈၸႂ်ယူႇ။