ပၢင်သိုပ်ႇမိုတ်ႈ သပ်းလႅင်း လွင်ႈ Shan Wikipedia တီႈ ဝဵင်းတူၼ်ႈတီး
မိူဝ်ႈဝၼ်းထိ 2015 လိူၼ်ၵျုၼ်ႇ 28 ဝၼ်းၼၼ်ႉ ဢၼ်ပဵၼ် ၽူႈၼၢမ်းႁူဝ် ၸုမ်း SIIT ႁဝ်းၶႃႈ ၸိူဝ်းပဵၼ် ၸဝ်ႈသြႃႇသုၶမ်း လႄႈ ၸၢႆးမွၼ်းၶမ်းႁဝ်းၶဝ် လႆႈၸတ်းႁဵတ်း ပၢင်သိုပ်ႇမိုတ်ႈ Shan Wikipedia ဝီႇၶီႇၽီးတီးယႃးတႆး တီႈႁူင်းႁေႃၵေႃလိၵ်ႈလၢႆးလႄႈ ၽိင်ႈငႄႈတႆး တီႈဝဵင်းတူၼ်ႈတီးယဝ်ႉ။
May 28, 2015
မိူဝ်ႈဝၼ်းထိ 2015 လိူၼ်ၵျုၼ်ႇ 28 ဝၼ်းၼၼ်ႉ ဢၼ်ပဵၼ် ၽူႈၼၢမ်းႁူဝ် ၸုမ်း SIIT ႁဝ်းၶႃႈ ၸိူဝ်းပဵၼ် ၸဝ်ႈသြႃႇသုၶမ်း လႄႈ ၸၢႆးမွၼ်းၶမ်းႁဝ်းၶဝ် လႆႈၸတ်းႁဵတ်း ပၢင်သိုပ်ႇမိုတ်ႈ Shan Wikipedia ဝီႇၶီႇၽီးတီးယႃးတႆး တီႈႁူင်းႁေႃၵေႃလိၵ်ႈလၢႆးလႄႈ ၽိင်ႈငႄႈတႆး တီႈဝဵင်းတူၼ်ႈတီးယဝ်ႉ။
တီႈပၢင်သိုပ်ႇမိုတ်ႈ ဝီႇၶီႇၽီးတီးယႃးတႆးၼၼ်ႉ ၸဝ်ႈသြႃႇသုၶမ်း လႆႈသပ်းလႅင်းၼႄ ပိုၼ်း ဝီႇၶီႇၽီးတီးယႃး သေ လႆႈမွၵ်ႇလၢတ်ႈ လွင်ႈတူင်ႉၼိုင် ၵပ်းၵၢႆႇလူၺ်ႈ ဝီႇၶီႇၽီးတီးယႃးတႆးမႃးယဝ်ႉ။ သိုပ်ႇသေလႄႈ ဢၼ်ပဵၼ် ၸၢႆးမွၼ်းၶမ်းၵေႃႈ လႆႈသိုပ်ႇသပ်းလႅင်းၼႄ လွင်ႈႁဵတ်းသၢင်ႈၶိုင်ပွင် တွၼ်ႈတႃႇလႆႈ ၼႃႈလိၵ်ႈ ဝီႇၶီႇၽီးတီးယႃးတႆး ၼၼ်ႉယဝ်ႉ။ ၵၢၼ်ငၢၼ်း ၸိူဝ်းသၢင်ႈမႃး ၸိူဝ်းဢၼ်တေလူဝ်ႇႁဵတ်းသၢင်ႈၵႂႃႇၼၼ်ႉ တေၸၢင်ႈၶဝ်ႈႁူမ်ႈလႆႈၸိူင်ႉႁိုဝ်ဢၼ်ဝႃႈၼၼ်ႉ လႆႈသိုပ်ႇမွၵ်ႇလၢတ်ႈသပ်းလႅင်းၵႂႃႇယဝ်ႉ။
တီႈပၢင်သိုပ်ႇမိုတ်ႈသပ်းလႅင်း လွင်ႈ Shan Wikipedia ၼၼ်ႉ ၸဵမ်ၸဝ်ႈသင်ႇၶႃႇ ၽူႈယႂ်ႇၵူၼ်းလူင် လႄႈ ၸၢႆးယိင်း ၸိူဝ်းၶိုၼ်ႈႁွတ်ႈမႃး မီးမွၵ်ႈ 100 ပၢႆသေ လႆႈဝႃႈ ပဵၼ် ဢဵၼ်ႁႅင်းဢၼ်ၼိုင်ႈ တႃႇတေသၢင်ႈပွင် ဝီႇၶီႇၽီးတီးယႃးတႆး ႁႂ်ႈပေႃးၶႅမ်ႉလႅပ်ႈၶိုၼ်ႈယႂ်ႇၵႂႃႇယူႇယဝ်ႉ။ ဝၢႆးသေၼၼ်ႉ ၸဵမ်ၸဝ်ႈသင်ႇၶႃႇ လႄႈ ၽူႈယႂ်ႇၵူၼ်းလူင် ၸဵမ်ၸၢႆးၸဵမ်ယိင်း ဢွၼ်ၵၼ်ထႆႇၶႅပ်းႁၢင်ႈမၢႆတွင်းၵိုၵ်းၵၼ်သေ တၢင်ႇပဵၼ် တီႇမၢႆတွင်းဝႆႉယူႇယဝ်ႉ။
ၸဝ်ႈသြႃႇသုၶမ်း သိုပ်ႇမိုတ်ႈ သပ်းလႅင်းၼႄ လွင်ႈ Wikipedia
ၸဝ်ႈသြႃႇသုၶမ်း သိုပ်ႇမိုတ်ႈ သပ်းလႅင်းၼႄ လွင်ႈ Wikipedia
ၸဝ်ႈသြႃႇသုၶမ်း သိုပ်ႇမိုတ်ႈ သပ်းလႅင်းၼႄ လွင်ႈ Wikipedia
ၸဝ်ႈသင်ႇၶႃႇ လႄႈ ၽူႈယႂ်ႇၵူၼ်းလူင်၊ ယိင်းၸၢႆး ၸိူဝ်းၶိုၼ်ႈႁွတ်ႈမႃး ပၢင်သိုပ်ႇမိုတ်ႈ သပ်းလႅင်း Shan Wikipedia တီႈႁူင်းႁေႃ ၵေႃလိၵ်ႈလၢႆး လႄႈ ၽိင်ႈငႄႈတႆး၊ ဝဵင်းတူၼ်ႈတီး၊ ၸိုင်ႈတႆး
ၸၢႆးမွၼ်းၶမ်း သိုပ်ႇသႅပ်းလႅင်း ၵၢၼ်ငၢၼ်း လွင်ႈသၢင်ႈ ၼႃႈလိၵ်ႈ ဝီႇၶီႇၽီးတီးယႃးတႆး ၸိူဝ်းႁဵတ်းမႃး လႄႈ ဢၼ်တေသိုပ်ႇႁဵတ်းၵႂႃႇမိူဝ်းၼႃး
Related Articles
ပၢင်ၽိုၵ်းၽွၼ်ႉ ၶူင်းၵၢၼ်ဝီႇၶီႇမီႇတီႇယႃႇ တီႈဝဵင်းပၢင်လူင်
မိူဝ်ႈဝၼ်းထိ ပီ 2025 လိူၼ်တီႇသႅမ်ႇပႃႇ 14 ဝၼ်းၼၼ်ႉ လုၵ်ႉတီႈ ၵေႃၵၢၼ်ဢၢႆႇထီႇတႆး လႆႈၸတ်းႁဵတ်း ပၢင်ၽိုၵ်းၽွၼ်ႉ ၶူင်းၵၢၼ်ဝီႇၶီႇမီႇတီႇယႃႇ တီႈ ႁူင်းထမ်းလူင် သုဝၼ်ၼၽူမိ၊ ဝတ်ႉပိတၵၢတ်ႈ၊ ဝဵင်းပၢင်လူင်ၵႂႃႇ။ ၽူႈၶိုၼ်ႈႁွတ်ႈ မီးယူႇ ဢမ်ႇယွမ်း 200 ၵေႃႉ။
ပၢင်ၽိုၵ်းၽွၼ်ႉ လွင်ႈဝီႇၶီႇမီႇတီႇယႃႇ တီႈၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီး
ၼင်ႇႁိုဝ် တေမေႃၸွႆႈႁဵတ်းသၢင်ႈ ၼႃႈၵၢၼ်ဝီႇၶီႇၵႂႃႇလႆႈ ၵႂၢင်ႈၶႂၢင်လႄႈမီး ၶေႃႈမုၼ်း တူဝ်လိၵ်ႈတႆး မၢၼ်ႇမႅၼ်ႈၼၼ်ႉ တၢင်တူဝ်ၸုမ်း SIIT သေ ၸဝ်ႈသြႃႇသုၶမ်းလႄႈ ၸၢႆးမွၼ်းၶမ်း (ၼမ်ႉလၼ်ႈ) မႃးသပ်းလႅင်း သိုပ်ႇမိုတ်ႈပၼ် လွင်ႈဝီႇၶီႇတမ်ႈတီႈ ႁွင်ႈပၢင်ၵုမ်ၵူႈမိူင်းမိူင်းၵမ်ႇပေႃးၸ (KBZ International Meeting Hall) ၸၼ်ႉၸွမ်ပုတ်ႉမိူင်းတႆး -SSBU ၼၼ်ႉယဝ်ႉ။
ၵေႃၵၢၼ်ဢၢႆႇထီႇတႆး ပိုၼ်ၽႄပိုၼ်ႉႁူႉ လွင်ႈဝီႇၶီႇမီႇတီႇယႃႇ တီႈ ဝဵင်းတၢင်ႉယၢၼ်း
ဝၼ်းထီႉ 11.11.2025 ၼၼ်ႉ တမ်ႈတီႈ ဝဵင်းတၢင်ႉယၢၼ်း ၵျွင်းၵၢင်ဝဵင်း တႄႇဢဝ် ၶၢဝ်းယၢမ်း ၵၢင်ၼႂ် 8:00 မွင်း တေႃႇထိုင် 10:00 မွင်း ၽူႈၶဝ်ႈၸုမ်း SIIT ၸဝ်ႈသြႃႇသုၶမ်းလႄႈ ၸၢႆးမွၼ်းၶမ်း (ၼမ်ႉလၼ်ႈ) ဢိၵ်ႇ ပီႈၸၢႆးလူင် (ၵျွၵ်ႉမႄး) လၢတ်ႈၸႅၵ်ႇပၼ်တၢင်းႁူႉ ဢၼ်ၵပ်းၵၢႆႇဝီႇၶီႇမီႇတီႇယႃႇၼၼ်ႉယဝ်ႉ။