တႄႇသၢင်ႈ လွၵ်းမိုဝ်းတႆး တႃႇ ၶိူင်ႈၾူင်း

မိူဝ်ႈဝၼ်းထီႉ 2011၊ လိူၼ်ၵျူႇလၢႆႇ 7 ဝၼ်းၼၼ်ႉ ၸဝ်ႈသြႃႇသုၶမ်း ဢွၼ်ႁူဝ်သေၵေႃႈ ၸုမ်း SIIT ႁဝ်း ၶႃႈ လႆႈၽိတ်ႈမွၵ်ႇ ၽူႈလူင်ႉလႅၼ်ႇ ၽၢႆႇသၢင်ႈ လွၵ်းမိုဝ်းတႃႇ ၶိူင်ႈၾူင်းသေၵေႃႈ လႆႈတႄႇသၢင်ႈ လွၵ်းမိုဝ်းတႆး တႃႇၶိူင်ႈၾူင်းမႃးယူႇယဝ်ႉ။ ၸဝ်ႈသြႃႇသုၶမ်း၊ ၵူဝ်ႇၵူဝ်ႇယႄး၊ ၸၢႆးမွၼ်းၶမ်းၶဝ် လႆႈဢုပ်ႇဢူဝ်း တႅပ်းတတ်း လၢႆးဝႆႉဝၢင်း တႃႇလွၵ်းမိုဝ်းတႆး ဢၼ်တေၸႂ်ႉတီႈ ၶိူင်ႈၾူင်းသေၵေႃႈ လႆႈဢွၼ်ၵၼ်တႄႇသၢင်ႈမႃး တီႈ ၵျွင်းလွႆတိုင်ၶမ်း၊ ဝဵင်းမူႇၸႄႈၼၼ်ႉယဝ်ႉ။ ၼႆႉ ပဵၼ်လွင်ႈလႅၵ်ႈလၢႆႈလူင်ဢၼ်ၼိုင်ႈ တွၼ်ႈတႃႇ လိၵ်ႈတႆးႁဝ်း ပေႃးတေၸၢင်ႈၸႂ်ႉပေႃႉလႆႈၸႂ်ႉလႆႈ တီႈၼိူဝ် ၶိူင်ႈၾူင်းၼၼ်ႉယဝ်ႉ။ ယွၼ်ႉၼၼ် လႆႈဢဝ်ၵုင်မုၼ်သေ ႁဵတ်းပဵၼ် တီႈမၢႆတွင်းဝႆႉယူႇယဝ်ႉ။

ၸဝ်ႈသြႃႇသုၶမ်းႁဝ်း တင်းပေႃႉပပ်ႉသပ်း ပိုတ်ႇတီႈပွင်ႇ ဝေႃးႁၢၼ်ၵႂၢမ်းတႆးသေ ဝူၼ်ႉၶူင်သၢင်ႈ လွၵ်းမိုဝ်းတႆး တႃႇၸႂ်ႉတီႈ ၶိူင်ႈၾူင်း

ၵူဝ်ႇၵူဝ်ႇယႄး - Ko Ko Ye ၽူႈလူင်ႉလႅၼ် ၽၢႆႇသၢင်ႈ လွၵ်းမိုဝ်းဢၼ်ၸႂ်ႉတီႈၼႂ်း ၶိူင်ႈၾူင်း

တီႈမၢႆတွင်း ဢွင်ႈတီႈ ႁဝ်းၶႃႈ တႄႇသၢင်ႈ လွၵ်းမိုဝ်းတႆး တႃႇၸႂ်ႉတီႈ ၶိူင်ႈၾူင်း