ပၢင်သွၼ်ၶွမ်း ၸၼ်ႉပိုၼ်ႉထၢၼ် 2025 တီႈဝဵင်းတႃႈလိူဝ်ႇ

ယွၼ်ႉတၢင်းပဵၼ် ၶူဝ်းဝိတ်ႉ လႄႈ ယွၼ်ႉၵၢၼ်မိူင်းယုင်ႈယၢင်ႈ​​သေ ​​ၵေႃၵၢၼ်ဢၢႆႇထီႇတႆး SIIT ဝဵင်းတႃႈလိူဝ်ႇႁဝ်းၶႃႈ ဢမ်ႇပဵၼ်ႁဵတ်း ပၢင်သွၼ်မႃး မီးလၢႆပီယဝ်ႉ။

ပီၼႆႉတႄႉ ဢိင်ၼိူဝ် ၸဝ်ႈသြႃႇသုၶမ်းႁဝ်းၶႃႈ ဢိၵ်ႇတင်း ၸဝ်ႈတႃႇၼႁဝ်းၶဝ် ၵူႈတီႈတီႈ ထႅမ်ႁႅင်း သႂ်ႇပၼ် ၾႆးသႅင်လႅတ်ႇ Solar လႄႈ ႁဝ်းၶႃႈ ၸင်ႇလႆႈတႄႇၶိုၼ်း ပၢင်သွၼ် တီႈ ၵျွင်းတႆးသႃႇသၼ​​ဝေႇပုၼ်ႇလ ဝဵင်းတႃႈလိူဝ်ႇယူႇ​​ဢေႃႈ။

လႆႈပိုတ်ႇပၼ် ပၢင်သွၼ် လိၵ်ႈဢိင်းၵလဵတ်ႈ လႄႈ ပၢင်သွၼ်ၶွမ်း တွၼ်ႈတႃႇ ၸဝ်ႈသင်ႇၶႃႇႁဝ်းၶဝ် ၸိူဝ်းလုၵ်ႉတီႈမိူင်းတႆး​​သေ မႃးႁဵၼ်းလိၵ်ႈတီႈ ဝဵင်းလိူဝ်ႇၼႆႉၼၼ်ႉယဝ်ႉ။

ပၢင်သွၼ်ႁဝ်းၶႃႈၼႆႉ လႆႈတင်ႈတႄႇ ပီ 2025 လိူၼ်မၢတ်ႉၶ်ျ 15 တေႃႇ လိူၼ်မေႇ 15 ဝၼ်း၊ ၶၢဝ်းတၢင်း 2 လိူၼ်သေ ၼႂ်းၶၢဝ်းတၢင်းပၢင်သွၼ်ၼၼ်ႉ လုၵ်ႈႁဵၼ်း ၸိူဝ်းၶိုၼ်ႈႁွတ်ႈ လဵပ်ႈႁဵၼ်း 27 ၵေႃႉယဝ်ႉ။

ယွၼ်ႉၼၼ်လႄႈ လုၵ်ႉတီႈ ​​ၵေႃၵၢၼ်ဢၢႆႇထီႇတႆးႁဝ်းၶႃႈ လႆႈယိၼ်းၸူမ်းထိုင် ၽူႈၸိူဝ်းလူႇတၢၼ်းၵမ်ႉထႅမ်မႃး တႃႇပၢင်သွၼ်ၶၢဝ်းမႆႈၼႆႉ​​သေ လွင်ႈလူႇတၢၼ်းၸိူဝ်းၼႆႉ ​​တေပဵၼ် ႁႅင်းၵမ်ႉၸွႆႈ တႃႇၵၢၼ်လိၵ်ႈလၢႆး တႃႇၽႃႇသႃႇ သႃႇသၼႃႇ ​​ပေႃး​​တေၶိုၼ်ႈယႂ်ႇမႂ်ႇသုင်ၵႂႃႇ ဝၼ်းတႃမိူဝ်းၼႃႈလႄႈ ႁႂ်ႈလႆႈႁူမ်ၸူမ်းၸွမ်းၼႆ​​သေ ၸင်ႇလႆႈ ပွင်ႇလႅင်းၼႄပၼ် ၼင်ႇၼႆယူႇ​​ဢေႃႈ။

ၶႅပ်းႁၢင်ႈမၢႆတွင်း ပၢင်သွၼ်ၶွမ်းၶၢဝ်းမႆႈ ပီ 2025 တီႈ ဝဵင်းတႃႈလိူဝ်ႇတႄႉ မီးၼင်ႇ ၽၢႆႇတႂ်ႈၼႆၶႃႈယဝ်ႉ။