ပၢင်ၽိုၵ်းၽွၼ်ႉ ၶူင်းၵၢၼ်ဝီႇၶီႇမီႇတီႇယႃႇ တီႈဝဵင်းပၢင်လူင်

ဝၼ်းထိ 2025 တီႇသႅမ်ႇပႃႇ 14 ၼၼ်ႉ လုၵ်ႉတီႈ ၵေႃၵၢၼ်ဢၢႆႇထီႇတႆး SIIT လႆႈၸတ်းႁဵတ်း ပၢၼ်ၽိုၵ်းၽွၼ်ႉ ပိုၼ်ၽႄပိုၼ်ႉႁူႉ ၵဵဝ်ႇၵပ်းလူၺ်ႈ ၶူင်းၵၢၼ်ဝီႇၶီႇမီႇတီႇယႃႇ လႄႈ လၢႆးၸႂ်ႉတိုဝ်း ဝီႇၶီႇၽီးတီးယႃး ၵႃႈတီႈ ႁူင်းထမ်းလူင် သုဝၼ်ႇၼၽူမိ၊ ဝတ်ႉပိတၵၢတ်ႈ ဝဵင်းပၢင်လူင်ၼၼ်ႉယဝ်ႉ။

ၶပ်ႉမၢႆပၢင်ပွႆးတႄႉၵေႃႈ ဢွၼ်တၢင်းသုတ်း ၽူႈၶိုၼ်ႈႁွတ်ႈႁဝ်းၶဝ် ဢွၼ်ၵၼ် ႁဵတ်း Register တီႈ Online ဢၼ်လႆႆႈႁဵတ်းဝႆႉတင်း QR code ၼၼ်ႉယဝ်ႉ။ ဝၢႆးသေၼၼ်ႉ ထိုင်မႃး ၶၢဝ်းယၢမ်း 8 မူင်း ႁဝ်းၶႃႈ ဢွၼ်ၵၼ် လွတ်ႈႁေႃးၼမေႃထသသၢမ်ၵမ်းသေ ပိုတ်ႇပၢင်ၵႂႃႇ။

ဝၢႆးသေၼၼ်ႉ ၸဝ်ႈသြႃႇသုၶမ်းၶဝ်းႁႃႈ လႆႈ မွၵ်ႇလၢတ်ႈ ၶေႃႈၵႂၢမ်ႈပိုတ်ႇပၢင်သေ လႆႈ ပိုၼ်ၽႄႈ လွင်ႈဝီႇၶီႇၽီးတီးယႃႈ တီႈၵႅပ်ႈမၼ်းၵႂႃႇယဝ်ႉ။ ဝၢႆးသေၼၼ်ႉ ၸဝ်ႈသြႃႇ ၼၼ်ႇတိယ (ၵွင်းမူးၼၢင်းၵိၼ်ပူ) ႁဝ်းၶႃႈ လႆႈ မွၵ်ႇလၢတ်ႈၶေႃႈပၼ်တၢင်းႁူႉ ၵဵဝ်ႇၵပ်းလူၺ်ႈ လွင်ႈ သိုဝ်ႇတူင်ႇဝူင်းၵူၼ်း (Social Media) ၽွၼ်းလီၽွၼ်းၸႃႉမၼ်း။

ဝၢႆးသေၼၼ်ႉ ဢၼ်ပဵၼ် ၽူႈႁူမ်ႈၵေႃႇတင်ႈ ၸုမ်းSIIT ၸၢႆးမွၼ်းၶမ်း (ၼမ်ႉလၼ်ႈ) လႆႈတႄႇ သိုပ်ႇမိုတ််ႈပၼ် ၶူင်းၵၢၼ်ဝီႇၶီႇမီႇတီႇယႃႇ ၵႂႃႇ။ ၼႂ်းၵႃႈၼၼ်ႉ ၶဝ်ႈပႃး ဝီႇၶီႇၽီးတီးယႃး၊ ဝိၵ်ႇသျိၼ်ႇၼရီႇ၊ ဝီႇၶီႇဝွႆးဢဵတ်ႇꩡ်၊ ဝီႇၶီႇပပ်ႉ၊ ဝီႇၶီႇၶၢဝ်ႇ၊ ၶွမ်ႇမွၼ်း လႄႈ ဝီႇၶီႇတေႇတႃႇ ၸိူဝ်းၼႆႉယဝ်ႉ။

သိုပ်ႇသေၼၼ်ႉ ၸၢႆးမွၼ်းၶမ်းႁဝ်း လႆႈသပ်းလႅင်းၼႄပၢင်း လွင်ႈၶူင်းၵၢၼ် ၽႅၼ်ႇလိၼ်လွတ်ႈလႅဝ်းထၢင်ႇႁၢင်ႈ ဢၼ်ပဵၼ် လွင်ႈ OpenStreetMaps ၵႂႃႇၵမ်ႈၽွင်ႈ။ လွင်ႈပိုၼ်ၽႄပိုၼ်ႉႁူႉ တွၼ်ႈပွတ်းၼႂ်ၼႆႉ လႆႈယဝ်ႉတူဝ်ႈၵႂႃႇ မိူဝ်ႈၶၢဝ်းယၢမ်း 11 မူင်းၼၼ်ႉယဝ်ႉ။
ဝၢႆးသေၼၼ်ႉ ၸဝ်ႈတႃႇၼသွမ်းပဵၼ်းႁဝ်းၶဝ် လႆႈၵၢပ်ႈသွမ်း ၸဝ်ႈသင်ႇၶႃႈၶဝ်ၸဝ်ႈၼႂ်းဝတ်ႉ ဢိၵ်ႇတင်း ၸဝ်ႈသင်ႇၶႃႇ ၸိူဝ်းမႃးၶိုၼ်ႈႁွတ်ႈ ပၢင်ၽိုၵ်းၽွၼ်ႉၼၼ်ႉယဝ်ႉ။ လႆႈလဵင်ႉလူၸႃႇၵပႃး ၽူႈၶိုၼ်ႈႁွတ်ႈ ပၢင်ၽိုၵ်းၽွၼ်ႉၶဝ်သေ ဝၢႆႆးသေ ၵိၼ်ၶဝ်ႈဝၼ်းယဝ်ႉ ထိုင်မႃး ၶၢဝ်းယၢမ်းဝၢႆးဝၼ်း 1 မူင်း ႁဝ်းၶႃႈ ၶိုၼ်းဢွၼ်ၵၼ် သိုပ်ႇပၢင်ၽိုၵ်းၽွၼ်ႉတွၼ်ႈသွင်ၵႂႃႇ။

တီႈပၢင်ၽိုၵ်းၽွၼ်ႉ တွၼ်ႈသွင်ၼၼ်ႉ ၸၢႆးမွၼ်းၶမ်း (ၼမ်ႉလၼ်ႈ) လႆႈပူင်သွၼ်ၵႂႃႇ လၢႆးႁဵတ်း Global Account ၵႃႈတီႈ Meta-Wiki လႄႈ လၢႆးႁဵတ်း User page ဢိၵ်ႇတင်း လွင်ႈလိူၵ်ႈသႂ်ႇ Language level ၸိူဝ်းၼႆႉယဝ်ႉ။

ဝၢႆးသေ ဢွၼ်ၵၼ် ႁဵတ်း Global Account ယဝ်ႉ၊ လႆႈဢွၼ်ၵၼ် သိုပ်ႇၵႂႃႇလဵပ်ႈႁဵၼ်းတီႈ ၼႃႈလိၵ်ႈ ဝီႇၶီႇၽီးတီးယႃးတႆး တီႈ shn.wikipedia.org ၼၼ်ႉယဝ်ႉ။ ဝၢႆးသေၼၼ်ႉ ဢွၼ်ၵၼ် သိုပ်ႇၸႂ်ႉတူၺ်း Sandbox သေ ၽိုၵ်းတႅမ်ႈတူၺ်း Wikitext (wikimarkup} ၼၼ်ႉယဝ်ႉ။

ဝၢႆးသေၼၼ်ႉ ဢၼ်ၵၼ် ၶဝ်ႈတူၺ်း မႄးထတ်းတူၺ်း တီႈၼႃႈလိၵ်ႈ ဝီႇၶီႇၽီးတီးယႃး ၵမ်ႈၽွင်ႈ။ ဢွၼ်ၵၼ် သၢင်ႈတူၺ်းၼႃႈလိၵ်ႈမႂ်ႇ ၸိူဝ်းၼႆႉသေ ဢွၼ်ၵၼ် လဵပ်ႈႁႅၼ်း ၶွမ်ႇမွၼ်း ဢၼ်ပဵၼ် တီႈတၢင်ႇသိုဝ်ႇၵူႈလွင်ႈလွင်ႈ။
ယဝ်ႉၵေႃႈ ဢွၼ်ၵၼ် လူတ်ႇၶိုၼ်ႈၶႅပ်းႁၢင်ႈ ၸႂ်ႉတူၺ်း သႂ်ႇတူၺ်း ၶႅပ်းႁၢင်ႈ ၸိူဝ်းၼႆႉသေ လႆႈဝႃႈဢွၼ်ၵၼ် ႁဵတ်းတူၺ်းလႆႈ လီငၢမ်းယူႇယဝ်ႉ။

ဝၢႆးသေၼၼ်ႉ ထိုင်မႃး ၶၢဝ်းယၢမ်း 4 မူင်းၶိုင်ႈ ႁဝ်းၶႃႈ လႆႈဢွၼ်ၵၼ် ထႆႇၶႅပ်းႁၢင်ႈၵိုၵ်းၵၼ် ႁႂ်ႈလႆႈပဵၼ် တီႈမၢႆတွင်းသေ ၸင်ႇၶိုၼ်း ဢွၼ်ၵၼ် ႁဵတ်း တွၼ်ႈထၢမ််တွပ်ႇ။ ၸိူဝ်းဢၼ်ၶႂ်ႈႁူႉ၊ ၸိူဝ်းဢၼ်ၶႂ်ႈတွင်ႈထၢမ်ၵၼ်ၼၼ်ႉသေ ထိုင်မႃး 5 မူင်းၶိုင်ႈ ႁဝ်းၶႃႈ ဢွၼ်ၵၼ် လွတ်ႈႁေႃး ပုတ်ႉထသႃႇသၼံ ၸိရံတိတ်ႉတထု သေၵေႃႈ လႆႈႁုပ်ႈသိမ်းပၢင်ၽိုၵ်းၽွၼ်ႉ ၶူင်းၵၢၼ်ဝီႇၶီႇႁဝ်းၶႃႈၵႂႃႇ လီငၢမ်းယဝ်ႉ။

ဝၢႆႆးသေၼၼ်ႉ ဢၼ်ပဵၼ် ၸဝ်ႈၸွမ်မိူင်း (ႁူဝ်ၼႃႈၵူၼ်းၼုမ်ႇ) လႆႈတွၼ်ႈသူးထိုင် ၶူးၸၢႆးမွၼ်းၶမ်း(ၼမ်ႉလၼ်ႈ)ႁဝ်းသေ ဢၼ်ပဵၼ် ပႃႈၼၢင်းမျႃႉထူၺ်းႁဝ်းၶႃႈၵေႃႈ လႆႈမွၵ်ႇလၢတ်ႈ ၶေႃႈၵႂၢမ််းလူပ်းလင် ယိၼ်းၸူမ်း တီႈဢၼ်လႆႈၸတ်းႁဵတ်းပၢင်ၽိုၵ်းၽွၼ်ႉၼႆယဝ်ႉ။ ဝၢႆးသေၼၼ်ႉ ၽူႈတၢင်တူဝ်ၸိူဝ်းၶိုၼ်ႈႁွတ်ႈမႃး လႆႈမွၵ်ႇလၢတ်ႈ ယိၼ်းၸူမ်း ၸိူဝ်းဢၼ် ၶတ်းၸႂ် ႁဵတ်းသၢင်ႈပၼ် ပၢင်ၽိုၵ်းၽွၼ်ႉၼၼ်ႉယဝ်ႉ။

ၼင်ႇႁိုဝ် တေပဵၼ်ပၢင်ၽိုၵ်းၽွၼ်ႉမႃးၼႆႉ ၸၢႆးဢုမ်ႈၶိူဝ်း (လွႆလႅမ်) ႁဝ်းၶႃႈၵေႃႈ လႆႈသႂ်ႇဢဵၼ်သႂ်ႇႁႅင်း ၶတ်းၸႂ်ၶိုင်ပွင်တႄႉတႄႉဝႃႈဝႃႈလႄႈ ၸင်ႇလႆႈပဵၼ်မႃး ပၢင်ၽိုၵ်းၽွၼ်ႉ ဢၼ်ၶႅမ်ႉလႅပ်ႈၼင်ႇၼႆလႄႈ လုၵ်ႉတီႈ ၵေႃၵၢၼ်ဢၢႆႇထီႇတႆး SIIT ႁဝ်းၶႃႈ ပဵၼ်ဢၼ်လႆႈ ယိၼ်းၸူမ်းၶွပ်ႈၸႂ်ထိုင်သေ ယုၵ်ႉယွင်ႈမၼ်းၸၢႆးယူႇ တႄႉတႄႉ။
ယဝ်ႉၵေႃႈႁဝ်းၶႃႈ လႆႈယိၼ်းၸူမ်းၸွမ်းၼိူဝ် ဢၼ်ၸဝ်ႈသြႃႇဝိၸႃရၼ ႁဝ်းၶႃႈ ဝတ်ႉပိတၵၢတ်ႈ ဢၼ်လႆႈပၼ် တီႈယူႇတၼ်းသဝ်း တႃႇႁဵတ်းလႆႈ ပၢင်ၽိုၵ်းၽွၼ်ႉၼႆႉယူႇ တႄႉတႄႉဝႃဝႃႈယူႇၶႃႈ။
ၼင်ႇႁိုဝ် ၵၢၼ်လိၵ်ႈလၢႆးတႆးႁဝ်း ပေႃးတေၶိုၼ်ႈယႂ်ႇၶိုပ်ႈၼႃႈၵႂႃႇၼႆႉ လုၵ်ႉတီႈ ၸုမ်းၵူၼ်းၼုမ်ႇတႆး၊ လုၵ်ႈႁဵၼ်းၸၼ်ႉၸွမ် ပၢႆးၶွမ်း၊ ပၢႆးၸၢင်ႈ ဝဵင်းပၢင်လူင်၊ ဝဵင်းလွႆလႅမ် ႁဝ်းၶဝ် လႆႈမႃးၶဝ်ႈႁူမ်ႈ ၶတ်းၸႂ် ယုၵ်ႉယွင်ႈၸွမ်းလႄႈ ၵေႃၵၢၼ်ဢၢႆႇထီႇတႆးႁဝ်းၶႃႈၵေႃႈ ပဵၼ်ဢၼ်မီး ႁႅင်းၸႂ်တႄႉတႄႉ။ မိူဝ်းၼႃႈမႃးၵေႃႈ ႁဝ်းၶႃႈ လူဝ်ႇလႆႈ သၢၼ်မိုဝ်းၵၼ်သေ ယုၵ်ႉယၢင်ႈတမ်းပႆ ႁႂ်ႈလိၵ်ႈတႆး၊ ၵႂၢမ်းတႆး၊ ၾိင်ႈတႆး၊ ပိုၼ်းတႆးႁဝ်း လီသေလီၵႂႃႇၼႆ ႁဝ်းၶႃႈ ၵေႃၵၢၼ်ဢၢႆႇထီႇတႆး မုင်ႈမွင်းယုမ်ႇယမ်ဝႆႉၼင်ႇၼႆ။

ၸဝ်ႈသြႃႇသုၶမ်းႁဝ်းၶႃႈ တိုၵ်ႉ သၵႅၼ်ႇ QR သေ လူင်းၸိုဝ်ႈ တႃႇၶိုၼ်ႈႁွတ်ႈ ပၢင်ၽိုၵ်းၽွၼ်ႉ ပိုၼ်ၽႄပိုၼ်ႉႁူႉ ၶူင်းၵၢၼ်ဝီႇၶီႇမီႇတီႇယႃႇ။

ႁူဝ်ၼႃႈၵူၼ်းၼုမ် ၸဝ်ႈၸွမ်မိူင်းႁဝ်း တိုၵ်ႉသပ်းလႅင်းမွၵ်ႇလၢတ်ႈၼႄ ၵူၼ်းၼုမ်ႇ

ၽိုၼ်လူင်းၸိုဝ်ႈ ဢၼ်မီးပႃး ႁၢင်ႈ QR တႃႇလူင်းၸိုဝ်ႈ တႃႇ Wiki Workshop 2025 - Panglong

ၽိုၼ်လူင်းၸိုဝ်ႈ ဢၼ်မီးပႃး ႁၢင်ႈ QR တႃႇလူင်းၸိုဝ်ႈ တႃႇ Wiki Workshop 2025 - Panglong

ၵူၼ်းၼုမ်ႇႁဝ်းၶဝ် တိုၵ်ႉဢွၼ်ၵၼ် သၵႅၼ်ႇလူင်းၸိုဝ်ႈ

ၸၢႆးဢုမ်ႈၶိူဝ်းႁဝ်း တိုၵ်ႉၸွႆႈထႅမ် သပ်းလႅင်းပၼ် လုၵ်ႈႁဵၼ်းၸၼ်ႉၸွမ် ၶွမ်ပိဝ်ႇတႃႇ တႃႇ သၵႅၼ်ႇလူင်းၸိုဝ်ႈ

ၸဝ်ႈသြႃႇသုၶမ်း မွၵ်ႇလၢတ်ႈၶေႃႈၵႂၢမ်းပိုတ်ႇပၢင်သေ သပ်းလႅင်းပိုၼ်ၽႄပၼ်တၢင်းႁူႉ ၵဵဝ်ႇလူၺ်ႈ လွင်ႈဝီႇၶီႇၽီးတီးယႃး တီႈၵႅပ်ႈမၼ်း

ၸဝ်ႈသြႃႇၼၼ်ႇတိယ (ၵွင်းမူးၼၢင်းၵိၼ်ပူ) ႁဝ်းၶႃႈ လႆႈမွၵ်ႇလၢတ်ႈၶေႃႈၵႂၢမ်းပၼ်တၢင်းႁူႉတၢင်းႁၼ် ပွတ်းဢွၼ်ႇတွၼ်ႈၼိုင်ႈ

ၸၢႆးမွၼ်းၶမ်း(ၼမ်ႉလၼ်ႈ) လႆႈတႄႇပိုၼ်ၽႄပိုၼ်ႉႁူႉ လွင်ႈၶူင်းၵၢၼ် ဝီႇၶီႇမီႇတီႇယႃႇ

ၸၢႆးမွၼ်းၶမ်း(ၼမ်ႉလၼ်ႈ) လႆႈတႄႇပိုၼ်ၽႄပိုၼ်ႉႁူႉ လွင်ႈၶူင်းၵၢၼ် ဝီႇၶီႇမီႇတီႇယႃႇ

ၸၢႆးမွၼ်းၶမ်း(ၼမ်ႉလၼ်ႈ) လႆႈတႄႇပိုၼ်ၽႄပိုၼ်ႉႁူႉ လွင်ႈၶူင်းၵၢၼ် ဝီႇၶီႇမီႇတီႇယႃႇ

ၽူႈၶိုၼ်ႈႁွတ်ႈႁဝ်းၶဝ် ဢွၼ်ၵၼ် ၶဝ်ႈၸႂ်သေ ထွမ်ႇငိၼ်းႁဵၼ်းဢဝ်

ၽူႈၶိုၼ်ႈႁွတ်ႈ လဵပ်ႈႁဵၼ်း Wiki Workshop 2025 - Panglong

ၽူႈၶိုၼ်ႈႁွတ်ႈ လဵပ်ႈႁဵၼ်း Wiki Workshop 2025 - Panglong

ၽူႈၶိုၼ်ႈႁွတ်ႈ လဵပ်ႈႁဵၼ်း Wiki Workshop 2025 - Panglong

ၶူးၸၢႆးမွၼ်းၶမ်း (ၼမ်ႉလၼ်ႈ) ပူင်သွၼ်ပိုၼ်ၽႄပိုၼ်ႉႁူႉ ၶူင်းၵၢၼ်ဝီႇၶီႇ တီႈ Wiki Workshop 2025 - Panglong

ၽူႈၶိုၼ်ႈႁွတ်ႈၶဝ် ဢွၼ််ၵၼ် ၶဝ််ႈၸႂ် ၽိုၵ်းႁဵတ်းၸွမ်း လွင်ႈၵၢၼ်ဝီႇၶီႇၽီးတီးယႃး

ၶူးၸၢႆးမွၼ်းၶမ်း (ၼမ်ႉလၼ်ႈ) ပူင်သွၼ်ပိုၼ်ၽႄပိုၼ်ႉႁူႉ ၶူင်းၵၢၼ်ဝီႇၶီႇ တီႈ Wiki Workshop 2025 - Panglong

ၽူႈၶိုၼ်ႈႁွတ်ႈၶဝ် ဢွၼ််ၵၼ် ၶဝ်ႈၸႂ် ၽိုၵ်းႁဵတ်းၸွမ်း လွင်ႈၵၢၼ်ဝီႇၶီႇၽီးတီးယႃး

ၽူႈၶိုၼ်ႈႁွတ်ႈၶဝ် ဢွၼ််ၵၼ် ၶဝ်ႈၸႂ် ၽိုၵ်းႁဵတ်းၸွမ်း လွင်ႈၵၢၼ်ဝီႇၶီႇၽီးတီးယႃး

ၽူႈၶိုၼ်ႈႁွတ်ႈၶဝ် ဢွၼ််ၵၼ် ၶဝ်ႈၸႂ် ၽိုၵ်းႁဵတ်းၸွမ်း လွင်ႈၵၢၼ်ဝီႇၶီႇၽီးတီးယႃး

တႅမ်ႈၸွမ်းၵၼ် ၽိုၵ်းၸွမ်းၵၼ် ႁူမ်ႈမိုဝ်းၵၼ် ၵွင်ႉသၢၼ်ၵၼ် - ယိူင်းဢၢၼ်း ဢၼ်လဵဝ် တႃႇလိၵ်ႈတႆးၶိုၼ်ႈယႂ်ႇ

ၽူႈၶပ်းပၢင်ႁဝ်းၵေႃႈ ႁဵတ်းၵၢၼ် ၶႅမ်ႉလႅပ်ႈတဵမ်ထူၼ်ႈ

ပႃးၼၢင်းမျႃႉထူၺ်းႁဝ်းၶႃႈ မွၵ်ႇလၢတ်ႈၶေႃႈၵႂၢမ်းလူပ်းလင်

ႁူဝ်ၼႃႈၵူၼ်းၼုမ်ႇ ၸဝ်ႈၸွမ်မိူင်း ၽၢၵ်ႈၶူဝ်းတွၼ်ႈထိုင် ၶူးၸၢႆးမွၼ်းၶမ်း(ၼမ်ႉလၼ်ႈ)

ၽူႈၶိုၼ်ႈႁွတ်ႈႁဝ်းၶဝ်တင်းသဵင်ႈ ဢွၼ်ၵၼ် ထႆႇၶႅပ်းႁၢင်ႈမၢႆတွင်းၵိုၵ်းၵၼ်

ၶူးၸၼ်ႉၸွမ် လႄႈ လုၵ်ႈႁဵၼ်းၸၼ်ႉၸွမ်ၶဝ် ဢွၼ်ၵၼ် ထႆႇႁၢင်ႈၵိုၵ်းၵၼ်တင်း ၶူးၸၢႆးမွၼ်းၶမ်း (ၼမ်ႉလၼ်ႈ) ႁႂ်ႈပဵၼ် တီႈမၢႆတွင်း။

တွၼ်ႈတႃႇ လႆႈၶႅပ်းႁၢင်ႈၶိုၵ်ႉၶႅမ်ႉမႃးၼႆႉ ႁဝ်းၶႃႈ လႆႈယိၼ်းၸူမ်းယွင်ႈယေႃးထိုင် မေႃထႆႇႁၢင်ႈႁဝ်းၶႃႈ ၸၢႆးၼေႃႇၶမ်း (The Light) - ဝဵင်းပၢင်လူင် ယူႇတႄႉတႄႉဝႃႈဝႃႈၶႃႈ။

မိူဝ်းၼႃႈမႃးၵေႃႈ ႁႂ်ႈႁဝ်းၶႃႈ လႆႈဢွၼ်ၵၼ်် ၸတ်းႁဵတ်းလႆႈထႅင်ႈ ပၢင်ၽိုၵ်းၽွၼ်ႉ ပၢင်သွၼ် ဢၼ်တေယုၵ်ႉယွင်ႈပၼ် ၼမ်ႉၵတ်ႉ ၵူၼ်းၼုမ်ႇႁဝ်းၶႃႈထႅင်ႈၼမ်ၼမ်။